Gefst upp á Blogger

Þetta kerfi er allt of þungt og seint í vöfum svo ég gefst upp á því og vísa í annað blogg sem ég er með undir fullu nafni en ég er mun virkari í skrifum mínum þar.

Bloggleti

Hef þjáðst hinum hræðilega sjúkdómi bloggleti undanfarið. Einnig búinn að loka spjallinu á Kaffi Blút for gúdd.
Skrifa meira seinna þegar ég finn nenni til þess.

Bubbi, Bubbi, Bubbi.

Bubbi kallinn orðin fimmtugur og aldrei flottari.
Hvílíkir tónleikar maður. Þetta er með því flottara sem maður hefur séð og heyrt í legnri tíma. Synd að maður komst ekki.
Vona að kallinn eigi eftir að halda lengi áfram í bransanum, en hann mætti alveg taka fortíðarflipp og fara að semja lög og texta eins og með Utangarðsmönnum, Ego og Daz Kapital tímabilin. Ég veit að hann getur það alveg ef hann vill það.

Til hamingju Bubbi, þú ert flottastur.

Sumir skrifa þetta en aðrir hitt.

Ég hef verið að renna yfir netdagbækur á þekktum bloggsíðum undanfarið og það kemur mér alltaf jafn mikið á óvart hvað fólk er tilbúið að skrifa um sína persónulegu hagi á netinu þar sem allir geta lesið um það.
Sjúkdómar, (ekkert að því svo sem), hvað er verið að hugsa og gera og ýmislegt í þá veruna er í meirihluta og allt frekar innihaldsrýrt og afspyrnu leiðinlegt til lestrar.
Svo eru það þeir sem lýsa af mikilli áfergju kynlífi sínu hvort heldur fólk í sambúð eða einhleypt og þar vaknar áhugi undirritaðs, enda alræmdur perri hvað þetta varðar.
Ég skal játa að ég hef gaman af að lesa svona dagbókarfærslur vegna þess hvað þær segja mikið um þann sem þær skrifar hvort sem það er karlkyns eða kvennkyns, enda lýsir fólk yfirleitt sínum innstu tilfiningum í garð þess er sofið er hjá og dregur ekkert undan.

Samt verð ég alltaf jafn hissa á að lesa svona dagbókarfærslur, því í mínum huga er þetta trúnaðarbrot gagnvart hinum aðilanum sem segir mér að viðkomandi sé engan vegin treystandi fyrir leyndarmálum eða neinu því sem í trúnaði ætti að vera.

Kanski er það bara ég sem er þá skrítinn þrátt fyrir allt?

Sumarlokun Gestapó

Nú fer víst að líða að sumarlokun hjá Gestapó og er það víst mörgum gremjuefni þar sem sumir hafa einstaklega mikla tjáningarþörf hvort heldur í bundnu máli eða rituðu sjálfum sér og öðrum til ama eða skemmtunnar.
Skabbi Skrumari heldur úti svæði þar sem hægt er að láta á sig reyna í bundnu máli og hér er hægt að nálgast svæði hans Skabbalút.
Undirritaður heldur sig í kjaftavaðlinum og ritaða málinu á Kaffi Blútur.com þar sem allir eru velkomnir meðan á sumarlokun Gestapó stendur og reyndar hvenær sem er.

Kosningar

Jæja.
Þá eru kosningar að bresta á eina ferðina enn og allt búið að vera snarvitlaust í atkvæðaveiðum og venjubundnum lygum framapotarana í pólitík eins og venjan er fyrir hverjar kosningar.
Það er því miður núna eins og alltaf áður, þeir sem loforðin gefa komast til valda og gleyma þá hvað þeir sögðu og hverju þeir lofuðu þannig að uppi sitjum við með gagnslausar afætur á þjóðfélaginu, engum til gagns en öllum til ama.
Eftir rúmt ár verður gengið til alþingiskosninga og þá höfum við tækifæri til að sjá hvort þetta er allt sami grautur í sömu skál eða hvort þjóðin hefur kjark til að hleypa nýju fólki inn og gefa því séns.
Vonum að svo verði.

Ekki aftur

Ég held ég láti það vera að raka mig sköllóttan aftur.
Mér hefur aldrei verið jafn kalt á höfðinu og læt þetta því bara koma af sjálfu sér hægt og bítandi, en held mig broddarakstur í framtíðinni.
Maður verður að hafa smá vörn.

Höfuðhár og skegg

Nú er ég búinn að losa mig við höfuðhár mitt og skegg og líður samkvæmt því mun betur en áður.
Reyndar er höfuðhárið ekki alveg farið því það eru eftir um tveggja millimetra broddar, en þeir fá að finna fyrir flugbeittum rakvélarblöðum á morgunn.
Verður örugglega mjög skrítin tilfining að vera algerlega sköllóttur.

Djöfull leiðist mér

Ég er að farast úr fokking leiðindum. Ég nenni ekki að gera neitt og vildi helst vera heima hjá mér sofandi næstu fjóra sólarhringana svo ég gæti vakað næstu þrjá og þambað Blút í ótakmörkuðu magni einhversstaðar í góðum félagsskap.

Hef samt tekið eftir því að aðdáendum mínum á þessari síðu hefur fækkað um 50% af einhverjum dularfullum ástæðum og kann flóttamönnunum litlar þakkir.

Af öðru er þó helst að frétta, að ég er gjörsamlega hættur að botna nokkuð í því sem íslenskir stjórnmálamenn þursa yfir okkur óbreytta borgarana, því annað hvort eru þeir að ljúga öllu sem þeir láta frá sér eða þeir hafa ekki snefil af metnaði í störfum sínum.

Nýjasta kjaftæðið kemur frá fjármálaráðuneytinu sem spáir hellings hagvexti næsta árið og næstu ár, en getur ekki á sama tíma hækkað laun lægst launuðu ríkisstarfsmanna sinna sem skrimta á rúmum hundraðþúsundkalli á mánuði fyrir að annast það fólk sem byggði undir rassinn á þessu ráðherrarusli sem í hroka sínum og sambandsleysi við almúgann í landinu heldur að það sé þjóðhagslega hagkvæmt að halda úti miljarða sendiráðum í svörtustu Afríku og gulustu Asíu.
Þetta segir mér að það þarf að losan sem fyrst við þetta drasl út af alþingi og koma inn fólki sem er ekki eingöngu að hugsa um eigin gump og sinna nánustu.

HEIMTUM BYLTINGU STRAX!!!

Gleðilegt sumar

Óska þessum átta sem kíkja hér við af og til gleðilegs sumars.
Um leið langar mig að þakka Þarfagreini fyrir aðstoðina í gærkvöld, en hann bjargaði geðheilsu minni fyrir horn. Skulda honum bjór fyrir vikið og greiði það næst þegar ég fer á djammið í borginni.

Var annars snemma á fótum í morgunn og fór að basla við vef sem átti að vera kominn upp í gær, en vinur minn hefur verið að bjástra við þetta í nokkrar vikur og ég hef ekki fengið stundlegan frið fyrir honum vegna þess.
En nú er allt að bítla fínt og vefurinn kominn upp og eigandinn í skýunum af hamingju. Ég sjálfur sáttur og vona nú að bögginu fari að linna fljótlega.

Annars bara latur í dag eins og alla aðra daga.